رفضت رانيا يوسف التعليق على الهجوم اللى اتعرضت ليه بعد ما ظهرت بالمايوه في برومو فيلم "واحد صحيح" اللى بتشارك في بطولته مع هاني سلامة..واكتفت يوسف بالتعليق بأنّها مش شايفة عيب في انها تلبس مايوه، ده غير أنّها مش مهتمه بالهجوم ده.
اما عن اللى اتردد عن أنّها اتجهت لـتقديم المشاهد الجريئة والمثيرة بعد انفصالها عن جوزها المنتج محمد مختار، أكّدت انها بترفض خلط حياتها الخاصة بأعمالها الفنية. عشان كده هى مش بتعلق على الهجوم اللى بتتعرض ليه ولا هترد على الاشاعات.
و رانيا كانت ظهرت في برومو الفيلم وهي لابسة مايوه وبتغطس في حمام السباحة. بعدها بتظهر في مشهد تانى وهي واقفة ادام حمام السباحة و لابسه مايوه. وبتجسد رانيا فى الفيلم شخصية واحدة من البنات اللى بيقعوا فى حب هاني سلامة... بيشاركها فى بطولة الفيلم بسمة، وكندة علوش، والوجه الجديد ياسمين رئيس، العمل من تأليف تامر حبيب، وإخراج هادي الباجوري في أول تجاربه للسينما.
موضوع: مايوه رانيا يوسف عمل قلق 
الجمعة سبتمبر 16, 2011 5:10 pm