ياحبيبي الشوك ما يقبل صيام
ليش ساكت وانته تعرف حالنة
عمي مالازم تسولف بالغرام
حته لو قرأن هم اقرالنه
ــــــــــــــــــــــــــــــــــــــــــــــ
اني اغار اعليك كلش حيل اغار
اتصور من الغيره ردت اني انتحر
حته من عطر التخلي اني اغار
خاف لا تنساني وتحب العطر
ـــــــــــــــــــــــــــــــــــــــــــــــــ
ياجميل امنيلك هذا الجمال
الف هنيال البزغرك ربتك
فدوه لا تطلع اذا ميت ابوك
الناس من شده جمالك سبتك
ــــــــــــــــــــــــــــــــــــــــــــــــ
ما اكدر اوصفك ياحلو الطول
لان وصفك قضيه ما انصه
بس شغله اكلك بيه لاتدوخ
يوسف شاف حسنك ايده كصه
ــــــــــــــــــــــــــــــــــــــــــــــــــ ـــــ
انه طيفك من يمر اشبك عليه
ليش تبعد من يمرك طيفي
بكيف عيني ابجي ومسودن عليك
شلون لو ابجي عليك ابكيفي
ــــــــــــــــــــــــــــــــــــــــــــــ
بخيت الشاف وجهك لحضه باليوم
جمال البيك عجبه ايوكع ابساع
لتلوم الكلب مو وحده معجب بيك
اذا بجعوب رجلك معجبه الكاع
ـــــــــــــــــــــــــــــــــــــــــــــ
عود انته بجمالك مثل باقي الناس
وعود الصورك خلاك تشبهم
قبل لا يخلق الله الناس سواك
وخله اكباله انته وكعد يرسمهم
ـــــــــــــــــــــــــــــــــــــــــــــــــ
كالولك نسيتك تعقل اشلون
وهذا الكالك كل عقله ناسيك
ولك حته القصايد صارت وياك
اكتب عالعراق وتطلع اعليك
ــــــــــــــــــــــــــــــــــــــــــــــ
يوسف طب عليهن كطعن لجفوف
لان جان ابزمانه ايهيم اليشوفه
وره اشويه عليهن انته من طبيت
كعد يوسف بنصهن كطع اجفوفه
ــــــــــــــــــــــــــــــــــــــــــــــ
انته كاس العالم انته المونديال
واحنه جمهور والك نقسم قسم
كلشي بيك انشجعه يخسر او يفوز
يعني اكلك حته شجعنه الحكم
موضوع: ومضات رائعه ------------- 
الأحد يوليو 31, 2011 9:36 pm