بالطيف من اشوفك انه اصيح الله
أنت شكد حلو وحته أحله من كلك
ولوشوفك صدك وكبال عيني تصير
ما صفك بدية أبعيني اصفكلك
يلعايش بروحي وانه عايش بيك
شجاك وعلغدر دمرت الحساس
انه كلبي وفي وما يعرف يخون
لذلك تركتك انته والعباس
ماحب البعد حبيت اعيش وياك
حياتي بلا وجودك شنهي معناها
انه بعرسي حبيت اسمع الهوسات
هاي الرادها وهاي التمناها
تعال اكعد بكلبي وشوف شيصير
كل دكه ونبضه تصرخ باسمك
مو قران جيب الكعبه وياك
حتى احلف عليه شكد اني احبك
كلبي ينوح من اصد عين بعين
وشفت طولك حبيبي وثكلت نوحي
لو مثلك حلو جان ما طلعت الباب
يعمي وداعتك جان جومت روحي
بعيد الدنيا روحي سيرت ليك
اجت خطار وانت اكرمت خطارك
بلهفة شوك اجتك تركض اتهنيك
عيد الهنا عليكم عيد المبارك
تفاحات عدك حركن خد الزيج
بالله الياحلك لوردت تنطيهن
الجايع من يفرهد چن تعذره الناس
خل حراس يمك حتى تحميهن
واذا تسمع حظر تجوال ظل بالبيت
لان حته الحظر ظل صافن اعليهن
لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها
فرق بين الزغير وداسته اجدام
وفرق بين الكبر مالمته عيون
طبع بالفاس ويه الشجره عدوان
وتموت الشجرة لعيون اليكطعون
يمن بيك الجمال تعده الحدود
ومن خدك خذو لمعات النجوم
اشترينة هدوم حلوة الخاطر العيد
وانت العيد لجلك يشتري اهدوم
فدوا اتوسلك لاتزعل اترجاك
ولواادري بزعلتك انه راح انذل
خل انذل اولي يطبني ميه طوب
بس هيج ابحلاتك كفر من يزعل
تتموع بمشيك ليش هيج وياي
مثل الناس امشي ولاتخبلني
واذاجسمك ثلج ومن الحرارة يموع
شعندك للشمس يومية متعني
موضوع: ومضات ياريت تعجبكم 
الأربعاء مارس 28, 2012 11:43 am
