أكد عمرو مصطفي بعد ما فتح تليفونه اللي كان مقفول انه كويس وماحصلوش اي حاجة وقال " انا جاتلي تهديدات امبارح بالقتل عن طريق اتصال تليفوني علي ايد مجهولين قالولي بالنص "بكره أقرأ خبر وفاتك على صفحتك على "فيسبوك"..وخليك بقي أفضل هاجم في الثورة" وده اللي خلاني اعمل محضر النهاردة في قسم مدينة نصر برقم 15912 بعد ما اتعرت للتهديد بالقتل علني "
وقال كمان " ومن شوية صحيت من النوم على خبر وفاتى وده بعد سرقة صفحتى الخاصة بيا على الفيسبوك واتكتب عليها خبر إنهم ضربوا علي النار،وبأحاول اني ارجعها بس فشلت ".. واكد انه حاول انه يدخل علي الهوا بتاع برنامج الحياة اليوم من شويه عشان ينفي كل الكلام ده لكن ادارة البرنامج ماادتوش فرصة وقالت ليه "هنتصل برئيس التحرير ونشوف" من ناحية تانية اتمسح الخبر الخاص بوفاة عمرو مصطفي على صفحته على "فيسبوك" واتكتب "المرة دى عدت ..المرة الجاية في قلبك إن شاء الله".
موضوع: عمرو مصطفي :مااضربتش بالنار .. واتعرضت للتهديد 
الجمعة سبتمبر 16, 2011 5:22 pm
