المخرج و المنتج مجدى الهوارى بيكمل كتابة فيلم " حلو البحر" اللى مترشح ليه عمرالشريف ومحمود حميده ويحيى الفخرانى و غاده عادل، وقال مجدى الهوارى إن الفيلم بتدور احداثه حوالين بنت بتبعد عن ابوها وهى صغيره و لما بتكبر بتبدأ تدور عليه وبتلاقى 3 اشخاص مش شبه بعض وبتشوف فى كل واحد فيهم حاجه من ابوها وكل احداث الفيلم هتكون فى اسكندريه "وقال كمان "لما اخلص من كتابة الفيلم هبدا اتفاوض مع عمر الشريف و يحى الفخرانى ومحمود حميده و هادور على شاب يشارك البطوله مع غاده عادل "، اما مسلسل " مولد وصاحبه غايب" قال انه لسه بحضر ليه وهتكون فيه هيفاء وهبى فى اول بطوله تليفزيونية واللي كتبه السيناريست مصطفى محرم واللي كان قال إنه فصل المسلسل على مقاس هيفا بناء على رغبتها لأن شرطها عشان تمثل في المسلسل انه يكون من تأليفه ، وقال إنه هيعرض كل الفساد اللي كان في عهد مبارك والفوضى , وده الهدف من الإسم اننا كنا عايشين في مولد صاحبه – اللي هو مبارك – غايب .. المسلسل هيكون من إنتاج شركة عرب سكرين وإخراج مجدي الهواري .
موضوع: الشريف وحميده والفخرانى مع غاده عادل فى " حلو البحر" 
الجمعة سبتمبر 16, 2011 5:19 pm