النجم داستن هوفمان هيبتدي يصور الأسبوع اللي جي فيلم "Quartet" بعد ما شاف المسرحية اللي بتحمل نفس الأسم و أعجب بيها جداً وقرر أنه يقدمها في فيلم ويكون هو المخرج.
هوفمان في جلسات عمل اليومين دول مع مؤلف القصة "رونالد هوارد" عشان يشوف ازاي تتعالج سينمائياً.
هوفمان مكنش تفكيره ان الفيلم يبقي مجرد عمل سينمائى جديد يضيفه لقايمة أعماله كممثل، ده اختاره عشان يكون أول أعماله كمخرج سينمائى, وحيكون الدعم المالي من شبكة "BBC" البريطانية.
رشح هوفمان لبطولة الفيلم الممثل بيلى كونولى.
وبتدور قصة الفيلم حول مغنى أوبرا معتزل ملقاش حد يعتنى بيه فى شيخوخته إلا دار مسنين متخصصة فى رعاية مغنين الأوبرا القدام، لكنه اتفاجأ بوجود غريم سابق ليه جوه الدار وقرر الانتقام منه على طريقته الخاصة.
يذكر ان هوفمان شارك سنة 1978 بشكل محدود فى إخراج فيلم "Straight Time".
موضوع: لأول مرة .. داستن هوفمان مخرج 
الجمعة سبتمبر 16, 2011 5:19 pm