اعلن مهرجان أبوظبى السينمائى انه حيحتفل بمرور 100 سنة على ميلاد الاديب الكبير نجيب محفوظ فى الدورة الـ 5، اللى حتتعمل في الفترة من 13 لـ 22 أكتوبر اللي جاي وحيتعرض في المهرجان 8 أفلام متأخدة عن أعماله، أو افلام شارك في كتابة السيناريو أو القصة السينمائية ليها، بنسخ أُتعاد طبعها وترجمة أغلبها.وكمان حيقوم المهرجان بنشر دراسة عن نجيب محفوظ والسينما، ومعرض لملصقات الأفلام المتأخدة من أعماله، وكمان اتنظم دايرة مستديرة لمناقشة عناوين اعمال ادبية ليه اتقدمت في السينما.
وقال عيسى المزروعى، مدير المشاريع الخاصة فى هيئة أبوظبى للثقافة والتراث، إن المهرجان لقي ان المناسبة دي فرصة عشان يعيدوا التأكيد على أهمية الاحتفال بفن السينما عن طريق تقديم أمثلة مهمة من تاريخ السينما .واكد انه المهرجان حيكون فيه عروض خاصة بنجيب محفوظ اللي قدر انه يسيب اثر ليه علي المستوي الادبي و السينمائي كمان ".
اما بيتر سكارليت المدير التنفيذى لمهرجان أبوظبى السينمائى فقال "إن محفوظ نجح في انه يصور حياة المصريين برحابة و بصيرة فى أعماله الأولى اللى صور فيها ماضى مصر العريق أو فى الأعمال اللي قدمها بعد كده واللى ركز فيها على الطبقتين المتوسطة والدنيا فى مصر"... واكد" اننا نقدم أعمال نجيب محفوظ الأدبية أو السينمائية في المهرجان حتكون وثيقة بتشرح شكل الحياة المصرية في القرن اللي فات عن طريق افلام زي "أولاد حارتنا" و"بداية ونهاية" و"ثلاثية القاهرة" (بين القصرين - قصر الشوق – السكرية) .
موضوع: مهرجان أبوظبى السينمائى يحتفل بالذكرى المئوية لنجيب محفوظ 
الجمعة سبتمبر 16, 2011 5:15 pm