سبحان مغير الاحوال ..طلعت زكريا هيشهد ضد مبارك

بعد ما طلعت زكريا فاجأ الناس أنه حيعتصم هو و ولاده وزوجته في ميدان
التحرير ضد الرئيس المخلوع مبارك وضد سياسات النظام السابق، طبعاً ده نوع
من أنواع الخيال العلمي لإنه هيعمل ده بس في مسلسله الجديد " عائلة حاحا "
اللي رجع فيه شخصيته القديمة " حاحا " اللي قدمها في فيلم " حاحا وتفاحة "
سنة 2006، وتقريباً طلعت زكريا بيحاول يناقض نفسه حيث قال اكتر من مرة إنه
مش هيتناول عن حب الرئيس المخلوع مبارك مهما حصل، وإنه مؤمن بإن المخلوع
اتظلم كتير، وفي نفس الوقت قرر إنه يدخل ثورة 25 يناير في مسلسله الجديد
وإنه في المسلسل بيعاني من اضطهاد وظلم النظام السابق فبيشارك في ثورة 25
يناير ويعتصم في الميدان.
طلعلنا عم طلعت بتصريح جديد وهو انه مستعد للشهادة ضد الرئيس السابق حسني
مبارك في قضية ان مبارك بياخد عمولات من صفقات البترول والسلاح.
وقال طلعت:" اتفاجأت أن الرئيس السابق حسني مبارك بيقر أمام القضاء أنه لم
يحصل علي أي عمولات من صفقات السلاح والبترول، رغم أني لما قابلته أكد لي
أنه بيحصل على عمولات من كل صفقات السلاح والبترول اللي بتتم بين مصر وبين
كل الدول".
وكمان الرئيس السابق اكد له إن كل رئيس دولة بيحصل على العمولات دي لأنها قانونية ومش عمولات خاصة".
لكن لو استدعوني من هيئة القضاء على اعتباري شاهد إثبات ضد الرئيس السابق
حسني مبارك، مش همانع طالما أن شهادتي ممكن تفيد هيئة المحكمة، عشان مفيش
حد فوق القانون.

الف شكر لك اخي
ما اروع الكلام الجميل