حنان ترك في الصومال للاغاثة

حنان ترك سفيرة منظمة الاغاثة الاسلامية سافرت النهاردة الفجر للصومال مع
الوفد اللي ضم الكابتن نادر السيد ويسري الطحاوي مدير الشرق الاوسط لادارة
السفراء والمتطوعين في منظمة الاغاثة الاسلامية وده غير الاعلاميين اللي
حيشاركوا في عملية البث والتواصل لكل اللي بيحصل في الصومال وحيقوموا
بتوزيع الميه والاكل والدوا علي الصوماليين اللي بيعانوا من المجاعات
القاسية هناك وحيشارك فيها مشروعات الاغاثة الاسلامية واللي بتشتغل من 10
سنين في الصومال ..


واول ما حترجع من الصومال حتبدأ حنان تصوير مشاهدها فى فيلم "المصلحة" في
الأسابيع اللي جاية وبتقدم حنان في الفيلم دور مرات أحمد السقا واللى بيجسد
دور ضابط لمكافحة المخدرات ...فيلم "المصلحة" بطولة أحمد السقا وأحمد عز
وحنان ترك وزينة وكنده علوش وأحمد منير وصلاح عبد الله ونهال عنبر وعمرو
يوسف وأحمد السعدنى، ومن تأليف وإنتاج وائل عبد الله وإخراج ساندرا نشأت.
ويذكر أن حنان ترك كان بيتعرض ليها في شهر رمضان آخر أعمالها فى الدراما
التليفزيونية وهو مسلسل "نونة المأذونة" وشاركها البطولة رجاء الجداوى
وأميرة العايدى ووائل علاء وإيهاب فهمى وعبد الله مشرف وعبير عادل، ده غير
مجموعة كبيرة من النجوم اللي ظهروا ضيوف شرف في حلقات المسلسل زي إلهام
شاهين وإيساف وطارق عبد العزيز وإيمى سمير غانم وعمرو يوسف، وهو من تأليف
فتحى الجندى، وإنتاج د.خالد حلمى، وإخراج منال الصيفى.

شكرا لك اخي الحبيب
الله يعطيك العافية
جزاك الله كل خير