صحيح كبالك اضحك

صحيح أكَبالك اضحك من أحاجيك
بس جادر قهر بل روح منصوب



ولو أيوب يدري بصبري وياك
مايوم أصبرت جا كَلى أيوب



كلماردت أعدلك أعوج ألكاك
مثل شعرك أشوفك ضدى مكَلوب



أكَلك توب بسك جوز الأعناد
ترجع مثل الأول وأبد متوب



أطب من باب أجيلك تركَع الباب
أدكـَ البوب تركض تقفل البوب



بيك أعيوب لكن ماأحاجيك
أنساهن وآطلع بيه الأعيوب



من كَلبك أشوفك تمسح أسمى
وأجذب عينى أكَلهااا شبيج مكتوب



بدرب يوميه أطبلك حتى ألاكَيك
لحد ماخلصت آوياك الأدروب



أروح أشرب أكَولن بلكت أنساك
بصفى ألكاك وأنت آصبلى مشروب



تمطر ملح أيديك وفوكَ الأجروح
ولأن أبيض أشوفه أعتبره حالوب



ياأسلوب أجيبه؟حتى أراضيك
آطلع شيبه بيضه براس الأسلوب



أضم بجيبي كلمة أنى أهواك
تجيك وجف أديك آيشكـَ الأجيوب



روح وماأكَلك بس كلمتين
مثل مالبت منك ريتك أتلوب

شعر شعبي جميل
شكرا لك
بانتظار جديدك

ما كل هذه الروعة التى تستوقف القلم
يسعدنى ان اخط اعجابى بروعة حروفك
و ان كانت كل الكلمات لا تكفى التعبير
و لا تنوب عنى بتقديرى اليك
دمت كما تحب
ودى اليك