خلص كل الكلام

نسيتك يالجنت ماأكدرأنساك
وعفتك يالجنت ماريدأعوفك
جنت لمن أشوفك يله أرتاح
هسه أرتاح يوم الماأشوفك
ظنيت وفي وماتعرف أتخون
طلعت إنت الخيانه أستاذبيهه
خنت روحي وعفتهه أتعيش بهموم
حيل وياهه جي لنه من أديهه
آنه شجابني وسويت وياك
علاقه وسجلت بسمك محبه
حبك ترس روحي جروح وآلالام
ومصايب بس هواك بكلبي عبه
لتكلي العشك لازم تعب بيه
تعب أقبل ولكن مومهانه
ولتكلي إشفت مو تونه بادين
فاشل كل عشك يبدي بخيانه
ردتك بيه تحجي وترفع الراس
وأرفع راسي بيك وآنه ممنون
وأسولف بيك كدام اليكرهوك
وتسولف بيه كدام اليكرهون
ماردتك تخلي بظهري سجين
وأصيرن سالفه بحلك الشماته
لأن العار يبقى بوجه الأنسان
ويضل وياه لحدساعة مماته

روووووووووووعه
ابداع رائع
ودي وتقديري