قصيدة شمسوين للشاعر سعد البهادلي

قصيدة (شمسوين ) الشاعر الكبير سعد البهادلي

شمسوين .... شمسوين
فطنه على الهظم والعوز والحسرات ... وفكهنه على البجي وعلى الدم فتحنه العين
شمسوين
انتبهنه على الكنى والسوق والتجنيد ..... وعلى الالي ومشاة ونقل والتموين
شمسوين
لكينه امنه جرح ويسمطه ملح العوز ... جف بي مستحه وجف اليدور اطحين
لكينه امنه غموس بسفرة اللوعات ..... مثل علج المطر ويلوج بيه البين
حس مبحوح امنه والضماير موت ... وين الكال اجيتك وين الزين
وين الزين ما مش زين وين الزين.... وين اليدك صدره ويوفي عنه الدين
لكينه حرمله والشمر والحجاج ... ودورنه شكثر بس ما لكينه احسين
لكينه اثار وحشي وغدر ابو سفيان... ولا صادفنه حمزه اليكص عيب البين
لكينه العامري يتهكم على الكوم ... يجول على الربع ومدنجه الصوبين
ونعرفه بس علي يفكس عين الليل ... تعبنه من الدواره هواي ابو الحسنين
شمسوين شمسوين
لكيناهه الشظايا ويانه بالكاروك ......... الجلول تمرعد الصوبين
انجبسنه منلقصف وشعوطة بارود .... شجنينه منل وكت ولياهواحنه مطلوبين
مميتنه مصيبه والحليب هموم .... وخرخاشتنه حسره وحيرة متيهين
اسلاك الشائكه دكوهه حبل هموم ... نشر بي عمر ما بيه حلو سنين
شمسوين
ما فطمونه اهلنه جذب هذا الكال ...... من الله خلقنه وحنه مفطومين
شمسوين
حدايقنه مواضع جنهه ساحة موت ... مسكيه منايه ودمع مظلومين
وره كل جذع خاوي يلبد شبح الموت ... وشواجير تدلت فوك غصن التين
رماني شكثر تارس شليل الكاع ... دفاعي لو هجومي شرط علسجين
قناعات احنه عدنه مو قناعة روح ... قناعات الوقايه ترسن الصوبين
جم جدول عذوبه ايفيض عند الناس ..... وجدولنه ضبط بيه السجن تدوين
شمسوين
مرجوحتنه دمعه ايهزه جف الاخ........ تطيح منلتعب وين اليكومك وين
اطفال الناس تلعب بضوه الصعادات ....... ولعابتنه انفلاقي ايغوش الميتين
كلايدنه قرص مو هويه البيه ....... ولا دم وفصيله دمي هذا مين
يفززنه القصف وحنه بمعزة النوم ... مثل لجمة جرح من نفس مرعوبين
وي كل قذيف يهتز بينه البيت ........ ويظل ينكت امروه بيت الطين

يسلمو
قصيده رائعه جدا

» شمس لوني للشاعر الكبير عريان سيد خلف
» قصيدة غمض عيونك تشوف
» محتار للشاعر الكبير حسين الساعدي!!
» زعلان ! للشاعر الكبير كاظم اسماعيل كاطع
» قصيدة الشك