الشاعر حسين الساعدي وقصيدة توب ابندامة

[size=29]لنفسي اولاً ثم لمن يهمهُ الامر

توب ااابندامه

توب ابندامة
وأنتَ ابسلامه
لا تندم ابيوم القيامه
تووب ابندامة

يا ابن ادم تَفكَر. واغتنم زهرة شَبابك
اشلون منكر من يسئلك! اشراح تحجيله بجوابك
اهناك كذبك ما ينفعك .ابعينك اتشاهد عذابك
وتشهد الكتاب
عنك يَكَذاب
لو لمت شتفيد الملامه!
توب ااااابندامه
.........
يا ابن ادم تبصر. لا تغرك دنيه شينه
هاي دنيه لو تدوم. دامت الطهَ نبينه
لا شباب البيهه يبقى . لا خفيفه اِولا رزينه
بس تبقى الاعمال
وكلمة التنكال
وكلمن يذِكرونه ابكلامه
توب اااابندامه
...........
شفت القبور اوزرتهه. وانتَ باجر يزورونك
اعمل الاخرتك ابجد. قبل لا تغمض اعيونك
حفرتك محد يطبها. اشكثر اهلك يحبونك
اهلك يدفنوك
ابسرعه ويتركوك
اتضل وحدك اليوم القيامه
توب ااابندامه
........
يا ابن ادم افلوسك .صدك بالدنيا تفيدك
اهناك ياصوره اجمعتهن. على نفسك تشهد ايدك
وبالحشر يتبرئ منك. الكان بالدنيا يريدك
شوف اَهل القصور
ناموا بالقبور
ما واحد ايدوم ابسلامه
توب ااابندامه
..........
لا تغرك عضلاتك. وحيلك اوصوتك العالي
انتَ مهما ايكون جسمك .ترد مثل العود تالي
وقيمتك بالدنيا ترخص.ماتضل للدوم غالي
وجسمك يَمكرود
ايصير اكل للدود
للدود تالي انتَ طعامه
توب ااابندامه
..........
إذا الله انطاك قوة.عِين من يحتاج قوتك
وإذا خيرك زاد ريض لتكبر على اخوتك
مثل ما للدنيه مهتم.استعد واهتم الموتك
مينقذك المال
اولا كثر العيال
ما تنشره اهناك السلامه
توب ااابندامه
..........
يا ابن ادم تفَكَر .واستعد لأسوء مصير
اهناك ما تنفع الرشوه.اتضيع كل التدابير
اهناك امك ما تفيدك.كلمن ابحاله يحير
العن الشيطان
وامسك القران
تنجح اِذاَ اتطبق احكامه

توب اابندامه
[/size]

ما كل هذه الروعة التى تستوقف القلم
يسعدنى ان اخط اعجابى بروعة حروفك
و ان كانت كل الكلمات لا تكفى التعبير
و لا تنوب عنى بتقديرى اليك
دمت كما تحب
ودى اليك

» لا فتى الا علي!الشاعر حسين الساعدي
» من روائع الشاعر حسين الساعدي
» حتى بالحلم؟ الشاعر حسين الساعدي
» كل السواعد فدوة الك! الشاعر حسين الساعدي
» نصيحة ساعديه!الشاعر حسين الساعدي