بغربيل العشك قررت اهز انسان
ومن كد ما احبة خايف ايطيح
مثل البيدة شمعة وسط صحراء
شماته الظلام وصدكة عصف الريح
بوسط ذاك الظلام خيطيتة بسيف؟
وك جرحي العالجيتة بثورة التشريح
موسيقار شخصك عزف وية الياس
هلابك يا حزن و بلاية تصريح
وداعا"دون رجعة الفرح ضاج
مثل ضوجة كنائس دون تسبيح
سبحانك يكلبي انخطف لونك ليش
مثل وجه الفقير بوسط تجريح
مثل عين اليتيم بصبحة العيد
يدور بس ربع يركب مراجيح
اغتالولي حلم طيور نص بستان
كوابيس التعب الما ودها استريح
عجبني الزمن جر اذنة باستهزاء ؟
معروف القصد مو واجب ايصيح
بصمت شبه عشكنة بالحجر والجام
ضحك !لمولي الشمل بدون تصليح
هزالي الجذع والطاح كثر الكاع
نخلة بلا مشاعر مشهد التوضيح
نزف جرح الكرامة وعركت دنياي
ومنكد الخجل السمة جنها تسيح
اتفقوا ولكن ! قف رادوتني شكوك
حديثك ع العشك اثبتلي صحيح
موضوع: بغربيل العشك قررت اهز انسان - 
الثلاثاء مايو 29, 2012 2:06 pm
