ياوارث طه ومنهاجه الشاعر سيد رزاق الحلو

ياوارث دينه وقرأنه
ياوارث علمه وايمانه
ياوارث عد له وميزانه
من حكك لوتلبس تاجه................... ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
طول يالمحجوب ابعادك
ماتخلف ندري ابميعادك
كوم وداعي ابثار اجدادك
الثارات لسيفك محتاجه................ ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
يتنطر يالغايب يومـــــك
غابت يالموعود اعلومك
يايوم انعاينهه ارسومك
يالوجهك للكون اسراجه......... ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
ثاراتك لامانسيهــــــه
مايحتاج انذكرك بيهه
ابوجدانك ندري امخليهه
نيران وتسعر وهاجه......... ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
يايوم اترفرف راياتـــك
يايوم اتداعي ابثارتــــك
ابسيفك تطلب كل غاياتك
من مروان ومن حجاجه................ياوارث طه ومنهاجه

يالغايب لاتنسه احسينـــك
كوم احضن كبره ابجفينك
وادموع ابدم تهمل عينك
من تذكر كطعة اوداجه ............ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
منتظره الشيعــه لهالساعه
تكشف كل طاغوت اقناعه
وللحك انته اتشيل اشراعه
وبحر الشر تخمدهه امواجه............ ياوارث طه ومنهاجه
ــــــــــــــــــــــــــــــــــــــــــــــــــ ـــــــــــــــــــــــ
يركع كل طاغوت اكبالك
يرجف لومر بيه اخيالك
يكبردين الهادي ابجالك
واتشيد اسواره وابراجه............ ياوارث طه ومنهاجه

شكراااااااااااا
موضوع في غايه الروعه ننتظر المزيد
تحياتي تقبل مروري

» هذا العراق الحلو
» يبو قلب الحلو ---- بقلمي
» لا فتى الا علي!الشاعر حسين الساعدي
» حتى بالحلم؟ الشاعر حسين الساعدي
» من روائع الشاعر حسين الساعدي