روحي طفله ====

من اول حرف خطته اشفاف الاه

الحد اخر حجاية الحزن كايلها

كتلك والسوالف فاض بيها الغيض

جروحي اوساع غيرك محد يشلها

كتلك روحي طفله او واهسك كاروك

وبغيرك تضيع وكلشي ما الها

انه موجة حزن ضافر شعرها الويل

وتتطشر فرح لو صرت ساحلها

انه شجرة صبر نبتت بكاع الشوك

وعله حايط خيالك منرسم ظلها

كتلك روحي بعدك شيبتها الأه

وكصيبتها الحزن بجفاك ناسلها

تعال المهجه صحره وشوفتك حالوب

لأن بركان هجرك حيل شاعلها

خايف ماتجيني وانتهي بلياك

تره عيني الوسن بجفاك زاعلها

تعال وشوف شفرش من تجي اعله الكاع

اذا موجفن عيني الجيه بدلها


منقول للامانه

شكرا على الششعر الاروع من الخيال