طرق التخلص من تشقق القدمين

[b]هلا وغلا ومراحب ببنوتات تعب قلبي

اخباركم يا حلوين ...اشتقت لكم

موضوعي اليوم ... عن تشققات الاقدام

مافيه وحده بالدنيا ما تتمنى زي هالرجول <<<< احلمي بس

الحجر الاسود هذا ....

ما احبه ولا استخدمه .....اولا يجرح الرجل

ثانيا يزيد المشكله ويزيد التشقق ....وحنا هااات يادعك

يمكن نفع احد ولو اني ما اظن ....لكن انا يسوي شوارع برجولي

وفيه هالطريقه بالمشاغل .....لو اموت ما اسويها

تشيل الجلد الميت ...وتسلخ الرجل سلخ

تتنعم كم يوم ....وعقب تصير رجلك كلها جروح ....لان الطبقه الحاميه انزالت

حشى والله لو اني لحمه يسلخوني ....ولا بطاطسه يقشروني

البطل عندي هالحجر

7

7

زي الاسفنجه بس يابسه -----> يمديكم على الوصف

لكن نااااعمه ....مهما شديتي بالدعك تظل ناعمه على الجلد

لكن بطلع عن موضوعي واقولكم اختراع ثاني

هالحين مو حرام استخدمها كم مره وعقب ارميها والله قهر

عاد انا اخترعت هالشي ......نقشرها بالمقشره حقت البطاطس ...يمديكم علي

صدق الا قالو الحاجه ام الاختراع <<< الا قولي قعدة البيت ...مغير قاعده واخترع

شوفو وشلون صارت جديده تهبببل

{نرجع لموضوعنا اللي هو التشققات

متخيلين الماساة

بذمتكم مو شي يفجع

والله ان نفسيتي تعبت يوم شفت هالصوره

عاد وانا افكر بالمشكله ....اقول هي ما يبي لها اختراع ....يبي لها الرجل تكون رطبه

وشلوووون طيب ؟؟؟

[b]نحتاج ...

كريم مرطب اي نوع عندك ..يفضل يكون كثيف مثل الفازلين او فازلين زبدة الكاكاو

اكياس بلاستيك صغيره قد رجلك

شرابيب

الحجر الخفاف الوردي طبعا ....وفرشه للاظافر وبين الاصابع وصابونك المعتاد

تدهنين رجولك ....وتكثرين اذا كانت اول مره وتركزين على الكعبين والاصبع الكبير المنطقه اللي تحته

وبين الاصابع وخاصه الكبير واللي جنبه للي يلبسون سليبر ابو اصبع ...تصير هالمنطقه يابسه

بللي شرابك واعصريه لايصير ينقط مويه هههههههههه نبي رطوبه بس

البسيه ....

عاد الحين نبي نحفظ هالرطوبه ....شلون ؟؟؟

نلبس عليه كيس بلاستيك شفتو الذكاء

عشان تاخذين راحتك وتتحركين ....ماتقدرين لانك لابسه كيس ورجولك تتزحلق

البسي شراب ثاني طبعا ناشف ....

الله كذا الواحد يمشي براحته

لا تقولون لي حر ...مو حر لان الداخلي رطب ....وخلي شرابك من النوع الصيفي الخفيف عشان ما تحسي بالثقل

ممكن هالجزمه القماش لو بتتحركين كثير بالبيت اريح لك من الشراب

عاد براحتك ...ساعه ساعتين ...3 ساعات ...اللي يعجبك

اذا خلصتي ممكن تسوين هالخطوه وانتي تاخذين الشور حقك ......ولا تدلعين نفسك وتسوين بدكير

لكنها خطوه بسيطه جدا عشان الجلد الميت كله ينزل وتتنعم الرجل

ولا تنفجعين من رجولك اذا شلتي الشراب ....بتكون مجعلكه ورطبه وحالتها حاله

عادي 5 دقايق وتصير مافيه اروع منها

الحين تنقعين رجولك بمويه وصابون ...وانا اضيف شرايح ليمون

مو لازم تنقعينها لانها اصلا منقوعه ....بس هي هالخطوه للنظافه فقط

بعدين تستخدمين الحجر للكعبين وللمناطق القاسيه ....دعك بحركه دائريه ناعمه

مافيه داعي للفرك لانه اصلا الجلد طري وجاهز عشان يطيح

ونظفي بين الاصابع والاظافر بالفرشه .....هنا بقولكم شي

انا هنا ما راح اتكلم لا عن الجلد الزايد حوالين الاظافر ولا المناكير

لان هالاشياء سهله ...واعتبرها كماليات للرجل ...بالنسبه لي نعومة الرجل والكعبين اهم

واذا بتدلعين عمرك زود ....استخدمي المقشر ....انا استخدم هالنوع من بودي شوب

Africa Ximenia & Salt Scrub

املاح مقشره للجسم

تحتوي على خلاصة الرز

هنا
نكون خلصنا .....بس نرطب الرجول بالكريم المعتاد اللي تستخدمينه وتفضلينه
...ونحرص اننا ما نمشي حفيانين عشان ما تنشف رجولنا مره ثانيه

انا استخدم هالمرطب من بودي شوب

الكريم هذا رائع من بودي شوب لليدين والرجلين

Africa Honey & Beeswax Hands & Foot Butter

كريم الاقدام واليدين بزبدة الشيا وشمع العسل

{ والنتيجه النهائيه انه بعد كم استخدام لهالطريقه .... رجلك باذن الله بتلق لقققق

والزين فيها انها بسيطه وعمليه وغير متعبه ولا مكلفه

**

والي تحب تدلل اقدامها تستخدم مثل هالاقنعه الخاصه للاقدام ....

هذي تركيبتها زي الجل ....وباااارده بالنعناع

تمتص كل الارهاق اللي برجولك وتسوي لها ريلاكس

بس لا يفوتكم الترجمه ....قناع للوجه ؟؟؟!!!!

الشرهه على اللي خلاكم تترجمون ههههه

استخدميها عندما مايكون عندك اي شغل

تعطيك شعور فوري بالراحه مرررررره مريحه

{ وفيه بعد

هذي اللصقات

فيه انواع اللي بالجنسنج مدري الزنجبيل .....وش النعناع وتستخدمينها وقت النوم .. مكتوب عليها انه لازم تنامين فيها من 8 ساعات الى

شوفو اش مكتوب ...!!!!

استيقض منتعش

في الاخير اتمنى اني اكون افدتكم بهالوصفه البسيطه

وحليت مشكله الاغلب يعانون منها

اشوفكم على خير

» لعلاج تشقق القدمين
» التخلص من الشيب