اعلنت شركة فوكس للقرن العشرين ودريم ووركس انهم حيتشاركوا عشان ينتجوا فيلم الخيال العلمي الجديد Robopocalypse للمخرج العالمي ستيفن سبيلبيرج .واللي اتحدد يوم 3 يوليو 2013 ميعاد لعرضه في امريكا والعالم وحتقوم شركة تاتش ستون بيكتشرز في ستوديوهات والت ديزني عشان توزع الفيلم في الولايات المتحدة وحتقوم فوكس بتوزيعه في العالم
وبتدور قصة الفيلم حوالين مصير البشرية بعد ثورة وهو "الروبوتات"، وقام "درو جودارد" بتحويل الرواية لنص سينمائي. الفيلم مبني على رواية ليها نفس الاسم ألفها "دانيال إتش ويلسون" واشترت شركة دريم ووركس الحقوق الأدبية للرواية وهي مسودة في نوفمبر 2009 قبل ماينشرها في 8 يونيو 2011 واللي بقت من اكتر الروايات اللي اتباعت في مدينة نيويورك.
واكد سبيلبيرج انه سعيد بانه شاف لرؤية توم روثمان وجيم جينابولوس، المديرين التنفيذيين لشركة فوكس، نفس الفرصة اللي خلته يشوف شركة دريم ووركس وهو بيشتري الرواية، واكد ان العلاقات الناجحة اللي بتربط الشركتين من ساعة ما عملوا فيلم Minority Report، خلته عنده امل انه يقدم نجاح تاني معاهم عن طريق فيلم مليان اثارة لكل المشاهدين في كل مكان في العالم .