قصيدة / يباب الله

بسم الله الرحمن الرحيم
............................................................

السلام عليك يا باب الحوائج
( موسى بن جعفر )
...........................................

قصيدة / يباب الله
.......................................

يباب الله والحاجات يالكاظم
حزنه اعليك يالموله حزن دايم

..................................
..................................

جسر بغداد يشهد لوعة الدمعه
نهار اليوم بيه يموت بالجمعه
يريد اولاده عنده تكون وتودعه
يوِن مولاي وبسجنه منو يسمعه
نْحِبَس صدره بعد ما يگدر يوسعه
نحيف وما بگه بجسمه عضو سالم

..................................

اجينه الگبرك انزوره يمولانه
ونوينه انوح عالمسموم عنوانه
بسجن اظلم لابن سندي صفه مچانه
صباح امْساه اَبد ما يعرف الوانه
غريب بْسجنهِ وْ مهموم باحزانه
عزيز بغربه رغم الآمه ظل صايم

..................................

طغى هارون بالاحكام عالعتره
الم وفراگ عالاطياب والحسره
فرض احكام راعي الجور والغدره
بلا رأفه ولا رحمه صدر امره
حَبِس مولاه موسى يكون ويْاَسره
عزانه عليك يالموله يظل قايم

..................................

نظل ننعاك يالمسوم عالعاده
قسه الطاغوت عالكاظم سبه اولاده
شعمل هالطاغي من افعال باسياده
قتل ترهيب هايَ افعاله واحفاده
سجل اسود يظل تاريخه باحقاده
برجب تنعاد ذكرى اعمال هالظالم

..................................

ملايين التجي تْزورك عزم يلهب
حزنها عليك تنعه اليوم ما تتعب
بزيارتكم يبو طلبه بالم تنحب
عِدانه اليوم محتاره وْعِماها الرب
ابن هارون بِسْمه يحارب المذهب
ترى الشيعه روافض يحلف وْجازم

..................................

سلام الله على روحك يبن جعفر
ربح من زارك بْگبرك تراه يظفر
ينال الجاه من عندك واجر اكبر
يبو الكلفات والصعبه وْ بعد اكثر
نعم ربحان من زارك يبن حيدر
امام الرحمه والبرهان يالعالم

............................................
............................................

خادم اهل البيت ( ع )
الشاعر .....
سعيد الفتلاوي الطويرجاوي