قصائد شعريه لرواديد اهل البيت ونسألكم الدعاء

رتهمل اعيون احبابك.................يالمهدي طال اغيابك
يايوم تظهر يايوم...........اتنشف دموع المحروم........يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
هاي احبابك باشواك تنتظـــرك
يمته عالوجود ايشع ضوه بدرك
يمته العين يانبع الوفـــه اتنظرك
ماعدهه صبرتحمل مثل صبرك
وتدري الكلب بفراكه...............للمحب تبقه اشواكه
مانمتلك صبر ايوب...........كافي بعد يالمحبوب.......يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
عشنه وننتظر ياسيدي بلهفــه
يايوم ابوجودك هالجرح يشفه
ونيران البعد لمن تهل تطفــه
واعيون اليتيم ابجيتك تغفـــه
يابلسم لكل مجروح..........مشتاكه الك هاي الروح
ياامل عشنه نشوفه.............وتمر علينه اطيوفه.......يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ياشاغل فكرنه اشما تمر ازمان
عايش بالضماير ساكن الوجدان
تعال وشوف واقع شيعتك باحزان
سفينه ابموج عالي وغايب السفان
تسمع هدير الامواج.......ترفع اشراعك تحتاج
البحر بامواجه من يقسه.....السفينه اتضيع المرسه.....يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
الارض محتاجه نورك يسطع اعليهه
تفرشلك رياحين ابنواحيهــــــــــــــه
ينابيع المحبه ايسيل جاريهـــــــــــه
واكلوب العطاشه ابفيض ترويهـــه
ايفيض الوفه بانهاره.................للدنيه اغـله ابشاره
لهليوم مشتاكه انفوس.......تحرر املهه المحبوس .....يالمهدي طال اغيابك

يمته الرايه ابجفك ترف عالكون
تدري ابهم غيابك بالنفس مكنون
تتربه لجيتك ياولينـــــــه اعيون
تدري بالبعد ياسيدي ميهــــون
ياساعه تطلب ثارك..................وينسمع صوت احرارك
شيعتك ظلت تنتظر...........اكلوب احر من الجمر.....يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ملهوفه النفس للطلعه ملهوفـه
ءانه اوي الكفر ثارات معروفه
ياثار الي منهن تكدر اتعوفــه
مايضمد جرحهن يدي اتشوفه
جرح الوصي حامي الجار................لو جرح ذاكه البسمار
عدنه امل يشفه الجرح ...........الليل يمحيه الصبح.....يالمهدي طال اغيابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

شكراااااااااااا
موضوع في غايه الروعه ننتظر المزيد
تحياتي تقبل مروري

روووووووووووعه
ابداع رائع
ودي وتقديري