لأن سوكك نزل وافتر زمانك بيك
اجيت وكتلي اسف ونته سامحني
وعكب ما بادلتني ابغيري توك جاي
اشتظن يضحك ابجيتك مبتشر سني
محتاجك جنت بالمحنه تبقه اوياي
وتذل محنتي ما ردتك اتذلني
بس اتفاجأت من شفت بيدك ناي
وتعزف على جروحي وتدك وتغني
حسبالي سما وتمطر ابكاع اسماي
طلع مايك سراب وخيبت ظني
كبل صح جنت احبك بس كبل راح
واصبح فعل ماضي وامر ميهمني
وبين معدنك من تحجي الك وجهين
وجنت مغشوش بيك ومظهرك غرني
وبعد صورة خيالك ما تمر على البال
ولاصوتك اسمعه ويهمس ابأذني
العب غيرها انكشفت اوراقك زين
احفظت دور البرائه وجاي تخدعني
رافض فكرة ارجع واستمر وياك
وعزة نفسي عنك هي تمنعني
يل بعت المشاعر امس برخص سوك
خسرت صفقتك وتريد تربحني
عذرا يلخنتني اشلون اصدك بيك
وامد اجفوفي الك لمن تصافحني
ولأن طبعك غدر خايف امدلك ايد
ابجحرك ولكه حيه اتريد تلدغدني